T20 World Cup : संध्याकाळी 6.10 वाजता ऑस्ट्रेलियाचा खेळ खल्लास होणार! सगळ्यांची नजर घड्याळावर

मॅचचा निकाल लागण्यासाठी निदान 5-5 ओव्हरची मॅच होणं गरजेचं आहे, त्यामुळे प्रत्येकी 5-5 ओव्हरचा सामना खेळवण्यासाठीचा कट ऑफ टाईम संध्याकाळी 6.10 आहे. संध्याकाळी 6.10 वाजेपर्यंत सामना सुरू झाला नाही, तर झिम्बाब्वे आणि आयर्लंडला प्रत्येकी 1-1 पॉईंट दिला जाईल. हा सामना पावसामुळे रद्द झाला तर ऑस्ट्रेलियाचं यंदाच्या वर्ल्ड कपमधलं आव्हान ग्रुप स्टेजलाच संपुष्टात येणार आहे, तर झिम्बाब्वे सुपर-8 मध्ये प्रवेश करेल.

ग्रुप बी मधून 3 सामन्यात 3 विजय मिळवलेली श्रीलंका आधीच सुपर-8 मध्ये क्वालिफाय झाली आहे. तर झिम्बाब्वे 2 सामन्यात 2 विजयांसह दुसऱ्या क्रमांकावर आहे. ऑस्ट्रेलियाला ग्रुप स्टेजमध्ये 3 पैकी फक्त एकच सामना जिंकता आला आहे, त्यामुळे कांगारू तिसऱ्या क्रमांकावर आहेत. झिम्बाब्वेविरुद्धच्या सामन्यात आयर्लंडचा विजय झाला तर ऑस्ट्रेलियाला सुपर-8 मध्ये प्रवेश करण्याची आणखी एक संधी मिळेल, यासाठी ऑस्ट्रेलियाला ग्रुप स्टेजमधल्या त्यांच्या शेवटच्या सामन्यात ओमानचा मोठ्या फरकाने पराभव करावा लागणार आहे.

सुपर-8 स्टेजमध्ये ऑस्ट्रेलियाचा पहिले झिम्बाब्वेविरुद्ध पराभव झाल्यामुळे मोठा उलटफेर झाला, त्यानंतर सोमवारी श्रीलंकेने ऑस्ट्रेलियालाही पराभवाची धूळ चारली, या दोन पराभवांमुळे ऑस्ट्रेलियाला जबर धक्का बसला आहे, ज्यामुळे त्यांच्यासमोर ग्रुप स्टेजलाच घरी जायचा धोका निर्माण झाला आहे.