भिवंडीत एकमेकांना सत्तेबाहेर ठेवण्याचे भाजप-शिंदेसेनेचं प्लॅनिंग, महापौर कुणाचा होणार? Inside Story

अजित मांढरे, प्रतिनिधी, ठाणे: एखाद दुसरा अपवाद वगळता भिवंडी महानगरपालिकेचा आजवरचा इतिहास आहे की ज्या पक्षांची आघाडीची संख्या सर्वात कमी असते त्यांचा महापौर बसतो आणि ते ५ वर्ष राज्य करतात. यात कोणार्क विकास आघाडी नेहमी आघाडीवर असते. यानुसार आश्चर्याची गोष्ट म्हणजे महापौर पदाकरिता १० आणि उपमहापौर पदाकरिता ७ अर्ज दाखल झाले असून यापैकी बहुतांश अर्ज हे अपक्ष आणि आघाडीतील नगरसेवकांनी भरलेत. तर दुसरीकडे भिवंडीत भाजप चंद्रपूर पॅटर्न राबवण्याची तयारी करतीये. इकडे एकनाथ शिंदे यांच्या शिवसेनेने भाजपला सत्तेबाहेर ठेवण्यासाठी कल्याण डोंबिवली पॅटर्ननुसार रणनीती आखली आहे.