'मला माझं अस्तित्व...' प्रेमाचं गाजर दाखवून विशालने दिला धोका? रुचिताने घेतला मोठा निर्णय

बिग बॉस मराठी 6 च्या घरात सध्या प्रेमाला उधाण आलं आहे. रुचिता आणि विशाल यांच्यातील नातं प्रेक्षकांच्या चर्चेचा विषय ठरत आहे. कालपर्यंत जवळीक दाखवणारे हे दोघे आता वेगवेगळ्या भूमिकांमध्ये दिसत आहेत. घरात सुरुवातीला रुचिताने स्वतः कबूल केलं होतं की तिचं विशालबरोबर अटॅचमेंट तयार झालं आहे. "मला तो आवडतो, त्याची प्रेझेन्स मला आवडते". असं ती म्हणाली होती. या विधानानंतर दोघांची चांगलीच चर्चा झाली. त्यानंतर एका टास्कदरम्यान विशालनेही स्पष्ट शब्दांत प्रेमाची कबुली दिली. "मला रुचिता आवडते. आमच्या वयात किती अंतर आहे याने मला फरक पडत नाही", असं तो म्हणाला होता. त्यामुळे या दोघांमध्ये काहीतरी खास सुरू असल्याच्या चर्चा रंगल्या.