एकनाथ शिंदे अवमान प्रकरणानंतर कुणाल कामरा वर्षभराने मुंबईत, हक्कभंग समिती समोर हजेरी

मुंबई : कॉमेडियन कुणाल कामरा याने 23 मार्च 2025 रोजी आपल्या स्टँडअप शोमध्ये मुख्यमंत्री एकनाथ शिंदे यांच्यावर विडंबनात्मक आणि आक्षेपार्ह गाणे सादर केले होते. हा व्हिडीओ सोशल मीडियावर मोठ्या प्रमाणावर व्हायरल झाल्यानंतर शिवसेनेच्या कार्यकर्त्यांनी खार येथील हॅबिटॅट स्टुडिओची तोडफोड केली होती. या घटनेनंतर भाजप आमदार प्रवीण दरेकर यांनी कुणाल कामरा आणि शिवसेना (उद्धव बाळासाहेब ठाकरे) पक्षाच्या नेत्या सुषमा अंधारे यांच्याविरोधात विधानसभेत हक्कभंगाचा प्रस्ताव दाखल केला होता. या प्रकरणी आज विधानभवनातील हक्कभंग समितीसमोर सुनावणी होणार होती. मात्र, मूळ तक्रारदार प्रवीण दरेकर अनुपस्थित राहिल्यामुळे ही सुनावणी स्थगित करण्यात आली असून आता ती 10 मार्च रोजी पार पडणार आहे. या सुनावणीसाठी कुणाल कामरा आज विधानभवनात उपस्थित राहिला होता.