Amol Muzumdar : 'राजाला भेटू दिलं नाही, तेव्हाच ठरवलं...', अमोल मुझुमदारच्या मनातलं बाहेर आलं, PM मोदीही ऐकत राहिले!

नवी दिल्ली : अमोल मुझुमदारला त्याच्या क्रिकेट करिअरमध्ये एकही आंतरराष्ट्रीय मॅच खेळण्याची संधी मिळाली नाही, पण आता त्याच्या नावापुढे वर्ल्ड कप जोडला गेला आहे. अमोल मुझुमदार 2025 महिला वर्ल्ड कप जिंकणाऱ्या भारतीय टीमचा मुख्य प्रशिक्षक होता. वर्ल्ड कप विजयानंतर भारतीय टीमने पंतप्रधान नरेंद्र मोदींची भेट घेतली. पंतप्रधानांच्या निवासस्थानी ही भेट झाली. पंतप्रधान नरेंद्र मोदींना भेटल्यानंतर अमोल मुझुमदारने त्याच्यासोबत यावर्षी जून महिन्यात घडलेला हृदयस्पर्शी किस्सा सांगितला. 7,400 कोटी रुपयांची संपत्ती असलेल्या राजाला भेटू न दिल्याबद्दल अमोल मुझुमदारने पंतप्रधान मोदींना सांगितलं.