Asia Cup 2025 : गंभीरची स्मार्ट खेळी की वेडेपणा? दुबईत टीम इंडियाच्या खेळाडूंनी दिली Bronco Test, खेळाडूंच्या फिटनेसवर संशय?

ब्रोन्को टेस्ट ही निवड प्रक्रियेचा भाग नाही तर ती फिटनेस मूल्यांकन देखील आहे आणि भारत विरुद्ध इंग्लंड कसोटी मालिकेपूर्वी बेकेनहॅम येथे झालेल्या तयारी शिबिरादरम्यान भारतीय संघातील काही सदस्यांनी ही चाचणी घेतली होती, अशी माहिती देखील रिपोर्टमधून समोर आली आहे.

दरम्यान, Bronco Test ही एक उच्च-तीव्रतेची फिटनेस चाचणी आहे, जी खेळाडूंची ॲरोबिक सहनशक्ती, वेग आणि स्टॅमिना मोजते. ही एक सतत चालणारी धावण्याची ड्रिल आहे, जी अनेक वर्षांपासून रग्बीसारख्या खेळांमध्ये वापरली जाते. ही चाचणी सोपी असली तरी खूपच कठीण आहे. यात खेळाडूला कोणत्याही विश्रांतीशिवाय सलग पाच शटल रन पूर्ण कराव्या लागतात. प्रत्येक सेटमध्ये, खेळाडूला वेगवेगळ्या अंतरावर असलेल्या तीन खुणांपर्यंत धावून परत यावे लागते.