Vaibhav Suryavanshi : 14 वर्षाचा वैभव सुर्यवंशी राजकीय आखाड्यात, बिहारच्या निवडणुकीत मोठी भूमिका बजावणार

बिहार विधानसभा निवडणुक 2025 साठी निवडणूक आयोगाने टीम इंडियाचा युवा स्टार खेळाडू वैभव सूर्यवंशी यांची "भविष्यातील मतदार आयकॉन" (Future Voter Icon) म्हणून निवड केली आहे. या उपक्रमाचा उद्देश तरुणांमध्ये मतदानाबद्दल जागरूकता निर्माण करणे आणि लोकशाहीमध्ये त्यांचा सहभाग वाढवणे आहे.

वैभव सूर्यवंशी आता लोकशाहीमध्ये तरुणांना सक्रियपणे सहभागी करून घेण्याची जबाबदारी स्वीकारत आहेत. त्यांनी सर्व बिहारींना विधानसभा निवडणुकीत मतदान करण्याचे आवाहन करणारा एक व्हिडिओ संदेश जारी केला. वैभव यांच्या मते, "जसे मी मैदानावर माझ्या संघाचा विजय सुनिश्चित करण्यासाठी प्रयत्न करतो, तसेच मतदान करून लोकशाही मजबूत करणे हे प्रत्येक मतदाराचे कर्तव्य आहे, असे म्हणत तो मतदान करण्याचे आवाहन करतो आहे.

वैभव सूर्यवंशी सोबत विविध क्षेत्रातील तरुण आणि कलाकारांना देखील भविष्यातील मतदार आयकॉन म्हणून नाव देण्यात आले आहे. यामध्ये सामाजिक कार्यकर्ते, क्रीडा आणि कला क्षेत्रातील सहभागींचा समावेश आहे, जे तरुणांमध्ये मतदानाबद्दल जागरूकता पसरवण्यास मदत करतील.

सूर्यवंशीला ही महत्त्वाची जबाबदारी देण्यात आली आहे कारण तो अलिकडेच देश आणि जगातील सर्वात लोकप्रिय चेहऱ्यांपैकी एक बनला आहे. त्यांच्या प्रभावी आयपीएल शतकानंतर, इंग्लंड आणि ऑस्ट्रेलियामध्ये त्यांची फलंदाजी चमकली आहे, ज्यामुळे त्यांना निवडणूक आयोगाने 'भविष्यातील मतदार आयकॉन' म्हणून घोषित केले आहे. 14 वर्षांचा असल्याने वैभव सूर्यवंशी स्वतः मतदानात भाग घेऊ शकत नाही, परंतु तो इतरांना प्रेरणा देताना दिसणार आहे.