Virat Kohli : विराटने इंग्लंडमधून मेल केला, भविष्याचा प्लान सांगितला, प्रत्येक प्रश्नाचं उत्तर दिलं!

विराट कोहलीने डीडीसीएला आपण विजय हजारे ट्रॉफी खेळण्यासाठी उपलब्ध असल्याचं सांगितलं आहे. 37 वर्षांच्या विराट कोहलीने नुकत्याच झालेल्या दक्षिण आफ्रिकेविरुद्धच्या 3 वनडे मॅचच्या सीरिजमध्ये लागोपाठ 2 शतकं आणि एक अर्धशतक केलं होतं. सीरिजमध्ये 302 रन केल्यामुळे विराटला प्लेअर ऑफ द सीरिज देऊन गौरवण्यात आलं.

दिल्ली विजय हजारे ट्रॉफीमध्ये पहिली मॅच 24 डिसेंबरला अलूरमध्ये आंध्र प्रदेशविरुद्ध खेळेल. 15 वर्षांमध्ये पहिल्यांदाच विराट कोहली विजय हजारे ट्रॉफीमध्ये खेळणार आहे. डिसेंबरच्या शेवटच्या आठवड्यात विराट इंग्लंडहून भारतात येईल, असं सांगण्यात येत आहे.

दुसरीकडे विराट कोहलीनंतर रोहित शर्माही मुंबईकडून विजय हजारे ट्रॉफीमध्ये खेळताना दिसण्याची शक्यता आहे. विजय हजारे ट्रॉफीनंतर विराट आणि रोहित जानेवारी महिन्यात न्यूझीलंडविरुद्ध 3 वनडे मॅचच्या सीरिजमध्ये खेळताना दिसतील. यानंतर पुढचे बरेच महिने टीम इंडिया वनडे क्रिकेट खेळणार नाही. विराट आणि रोहितने टेस्ट आणि टी-20 क्रिकेटमधून निवृत्ती घेतली आहे, तसंच भारतीय टीम फार वनडे क्रिकेटही खेळत नाहीये, त्यामुळे बीसीसीआय, टीम मॅनेजमेंट आणि निवड समिती विराट आणि रोहितने मॅच प्रॅक्टिस आणि फिटनेससाठी स्थानिक क्रिकेटमध्ये खेळावं, यासाठी आग्रही आहे. 2027 वनडे वर्ल्ड कपसाठी विराट कोहली आणि रोहित शर्मा यांची तयारी सुरू आहे.