गावासाठी आदर्श! पतीच्या मृत्यूनंतर रूबीने दाखवली हिंमत, जिद्दीने केली शेती, वर्षाला कमवते 'इतके' लाख

इच्छाशक्ती, जिद्द आणि कष्ट करण्याची तयारी असेल, तर कोणतंही काम अशक्य नाही. नव्याने काही गोष्टी शिकत पुढे प्रवास केला की, तुमच्या मेहनतीला फळ मिळतंच. असंच एक प्रेरणादायी उदाहरण रुबीदेवी यांच्या जगण्याचं देता येईल. बिहारमधील शिवहर जिल्ह्यातील धनकौल बलहा गावात राहणारी रूबी आजूबाजूच्या सगळ्यांसाठी एक उदाहरण बनली आहे. सुमारे 13 वर्षांपूर्वी तिच्या नवऱ्याचं निधन झाल्यावर तिच्या आयुष्यात अचानक खूप संकटं आली. मुलांना वाढवणं, पैशांची तंगी आणि समाजाचा दबाव, अशा चहुबाजूंनी अडचणी होत्या. पण परिस्थितीपुढे हार मानण्याऐवजी रूबीने आपल्या आयुष्याला नवी दिशा देण्याचा निर्णय घेतला.