नवऱ्याचा अचानक मृत्यू, सासूचा विरोध, तरीही 'या' महिलेने सुरू केली नर्सरी; आता करतीय लाखोंची कमाई

कुणीतरी खरंच म्हटलं आहे की, यशासाठी ध्यास असणे आवश्यक आहे, मग प्रत्येक अडचण सहज पार करता येते. शिवहरच्या रुबी कुमारीने हे वाक्य खरं करून दाखवलं आहे. जीविका समूहाशी जोडलेल्या, बिहारमधील शिवहर जिल्ह्यातील मीनापूर बलहा गावात राहणाऱ्या रुबीने सासूबाईंच्या वारंवारच्या विरोधानंतरही आपले काम सुरू केले आणि आज तिचे संपूर्ण कुटुंब आनंदी आहे. रुबीच्या नवऱ्याच्या अचानक मृत्यूनंतर तिला दोन रुपयांसाठीही दुसऱ्यांवर अवलंबून रहावे लागत होते. आज ती आपल्या मेहनतीने दरवर्षी लाखो रुपये कमवत आहे. तिने केवळ आपल्या कुटुंबाला गरिबीतून बाहेर काढले नाही, तर आता तिच्या समाजातील इतर महिलांनाही आत्मनिर्भर बनण्यासाठी प्रेरणा देत आहे.