वडील रिक्षा चालक, जिल्हा परिषद शाळेतून शिक्षण, महाराष्ट्रातील पहिली मुस्लीम मुलगी झाली IAS

भास्कर मेहरे, प्रतिनिधी यवतमाळ: माळरानातल्या हिऱ्यानंतर महाराष्ट्रातल्या मुस्लीम युवा तरुणीची चर्चा सोशल मीडियावर होत आहे. महाराष्ट्रातली पहिली मुस्लीम तरुणी IAS झाली आहे. केंद्रीय लोकसेवा आयोगाच्या (UPSC 2024) अंतिम निकालात महाराष्ट्राच्या यवतमाळ शहराची रहिवासी अदिबा अनम अशफाक अहमदने अखिल भारतीय स्तरावर 142 वी रँक मिळवून इतिहास रचला आहे. यापूर्वी यूपीएससीच्या मुलाखतीपर्यंत पोहोचूनही अंतिम निवड हुकलेल्या अदिबाने या प्रयत्नात यश मिळवले. याआधी तिने दोनवेळा प्रयत्न केले होते. मात्र अगदी शेवटच्या क्षणी अवघ्या काही मार्कांच्या फरकानं संधी हुकली. मात्र तिसऱ्या प्रयत्नात तिला यश मिळालं.