'धमाक्यांचे आवाज, दारं खिडक्या हलतात', लेकीसोबत दुबईत अडकलीये लारा दत्ता; VIDEO शेअर करत झाली इमोशनल

28 फेब्रुवारीची आठवण करून देताना ती म्हणाली की, ती कामात व्यस्त असताना अचानक तिला आकाशात मोठे स्फोट ऐकू आले. तिने मिसाइल्स रोखताना पाहिली जी खरोखरच भयानक होती. एखाद्या चित्रपटातील सीन्ससारखी. लढाऊ विमानांचे आवाज इतके मोठे होते की तिच्या घराच्या खिडक्या आणि दरवाजेही हादरले.

( OTT गाजवणाऱ्या मराठी अभिनेत्रीला कॅन्सर! हॉस्पिटलमधील PHOTO; म्हणाली, 'सर्जरीनंतर माझ्या...' )

लाराने सांगितलं, "गेल्या 3 वर्षांपासून दुबई हेच माझं घर आहे. मी बराच वेळ इथेच घालवते. इस्रायल-इराण युद्ध सुरू झाल्यापासून मी इथेच आहे. ब्रँड शूटसाठी मी दुबईमध्ये होते. त्याच वेळी स्टुडिओच्या वरून स्फोट आणि मिसाइल्सचे आवाज ऐकू आले. आम्ही घाबरून स्टुडिओमधून बाहेर पळालो. मिसाइल्स इंटरसेप्ट होताना प्रत्यक्ष पाहिलं. गेले काही दिवस खूप तणावपूर्ण गेले आहेत. माझे पती महेश कामानिमित्त बाहेर आहेत. आम्ही खूपच घाबरलो आहोत. हे सगळं खूप भयानक आहे. सतत स्फोटांचे आवाज येत आहेत. वरून जेट्स उडताना दिसतात. आम्ही सुरक्षित ठिकाणी राहतो पण स्फोटांमुळे खिडक्या हलू लागतात."

लाराने यूएई सरकारच्या कामाचं कौतुक केलं. ती म्हणाली, "यूएई सरकार चांगलं काम करत आहे. ते सगळ्यांना योग्य प्रकारे सांभाळत आहेत. जे लोक बाहेर न जाण्याचा पर्याय असूनही देश चालवत आहेत, ती खरोखरच सन्मानाची बाब आहे." हा संपूर्ण प्रसंग सांगताना लारा इमोशनल झाली. ती भारतात येण्यासाठी प्रयत्न करत आहे असंही तिनं सांगितलं. लाराच्या व्हिडीओवर अनेक कलाकारांनी पोस्ट करत तिला धीर दिला आहे.

फक्त लारा दत्ता नाही तर अनेक कलाकार सध्या दुबईमध्ये अडकले आहेत. अभिनेत्री सोनल चौहान, ईशा गुप्ता देखील दुबईमध्ये आहेत. सोनल चौहानने पीएम मोदींकडे मदत मागितली होती. ती आता भारतात परत आली आहे. त्याचबरोबर अभिनेता सोनू सूद देखील इतर देशांत अडकलेल्या लोकांना मायदेशी परत आणण्यासाठी मदत करत आहे.