वडिलांचं अपूर्ण स्वप्न लेकीनं साकारलं, मुद्रा गैरोला यांचा डॉक्टर ते IAS व्हाया IPS संघर्षमय प्रवास

Last Updated:

मुद्रा गैरोला यांचा मेडिकल ते IAS प्रवास प्रेरणादायी आहे. त्यांनी वडिलांचे IAS अधिकारी होण्याचे स्वप्न पूर्ण केले. 2022 मध्ये 53 वी रँक मिळवत IAS अधिकारी म्हणून निवड झाली.

News18
News18
टीना डाबी यांच्यापेक्षा दिसायला सुंदर आणि देशभरात चर्चा असलेल्या मुद्रा गैरोला यांचा मेडिकल ते IAS पर्यंत प्रवास प्रत्येक मुलीसाठी प्रेरणादायी आहे. उत्तराखंडच्या चमोली जिल्ह्यातील कर्णप्रयाग येथे वाढलेल्या मुद्रा गैरोला यांचा प्रवास हा सामान्य घरातून सुरु झाला आणि आज IAS पदापर्यंत पोहोचला आहे. IPS होऊनही त्या तिथपर्यंत थांबल्या नाहीत IAS होण्याचं स्वप्न पूर्ण केलं. सध्या त्यांचे कुटुंब दिल्लीत वास्तव्यास आहे. शालेय जीवनातच त्यांनी आपल्या अभ्यासू वृत्तीची चुणूक दाखवली होती. दहावीच्या परीक्षेत त्यांनी 96 टक्के आणि बारावीत 97 टक्के गुण मिळवले. हेच गुण त्यांच्या पुढील शैक्षणिक वाटचालीसाठी भक्कम पायाभूत ठरले.
बारावीनंतर मुद्रा यांनी मुंबईतील एका मेडिकल कॉलेजमध्ये बीडीएस (डेंटल) अभ्यासक्रमाला प्रवेश घेतला. अभ्यासात सातत्य आणि मेहनतीच्या जोरावर त्यांनी डेंटल शिक्षणातही उत्कृष्ट कामगिरी केली आणि गोल्ड मेडल मिळवलं. यानंतर त्यांचा प्रवास एका यशस्वी डॉक्टरकडे वळण्याची शक्यता होती, मात्र त्यांच्या आयुष्यात वडिलांचं एक अपूर्ण स्वप्न होतं . IAS अधिकारी होण्याचं. मुद्रा गैरोला यांचे वडील स्वतः या सेवेत यावं अशी इच्छा बाळगून होते, मात्र ती पूर्ण होऊ शकली नव्हती.
advertisement
पित्याचे स्वप्न सत्यात उतरवण्यासाठी मुद्रा यांनी एमडीएसचे शिक्षण अर्धवट सोडले आणि UPSC परीक्षेची तयारी सुरू केली. 2018 आणि 2019 मध्ये त्यांनी UPSC परीक्षेचा इंटरव्ह्यू राउंडपर्यंत मजल मारली, मात्र अंतिम यश मात्र हुलकावणी देत राहिलं. 2020 मध्ये तर त्या मुख्य परीक्षेतही पात्र ठरल्या नाहीत. सलग तीन वर्षे अपयश आल्यावरही त्यांनी मागे वळून पाहिलं नाही. त्यांनी स्वतःला पुन्हा तयार केलं आणि अभ्यास सुरू ठेवला.
advertisement
या सातत्यपूर्ण प्रयत्नांतून 2021 मध्ये त्यांना UPSC परीक्षेत 165 वी रँक मिळाली आणि त्यांची IPS सेवेसाठी निवड झाली. मात्र, त्यांची अंतिम ध्येयपूर्ती तिथे झाली नाही. 2022 मध्ये त्यांनी पुन्हा एकदा UPSC परीक्षा दिली आणि यावेळी 53 वी रँक मिळवत IAS अधिकारी म्हणून निवड झाली. आपल्या वडिलांचे स्वप्न प्रत्यक्षात उतरवणाऱ्या मुद्रा गैरोला यांची ही कहाणी UPSC परीक्षेची तयारी करणाऱ्या विद्यार्थ्यांसाठी एक मोठा प्रेरणास्त्रोत ठरते.
view comments
मराठी बातम्या/Success Story/
वडिलांचं अपूर्ण स्वप्न लेकीनं साकारलं, मुद्रा गैरोला यांचा डॉक्टर ते IAS व्हाया IPS संघर्षमय प्रवास
Next Article
advertisement
Nanded Crime News : 'तुझं लग्न लावून देतो',  आंचलसमोर वडिलांनी ठेवली होती एक अट, अन् तिथंच...
'तुझं लग्न लावून देतो', आंचलसमोर वडिलांनी ठेवली होती एक अट, अन् तिथंच...
  • 'तुझं लग्न लावून देतो', आंचलसमोर वडिलांनी ठेवली होती एक अट, अन् तिथंच...

  • 'तुझं लग्न लावून देतो', आंचलसमोर वडिलांनी ठेवली होती एक अट, अन् तिथंच...

  • 'तुझं लग्न लावून देतो', आंचलसमोर वडिलांनी ठेवली होती एक अट, अन् तिथंच...

View All
advertisement