22 लाखांची सोडली नोकरी, सुरू केला स्वतःचा उद्योग; आज महिन्याला मिळतायत लाखोंच्या ऑर्डर्स!

शशीने मणिपाल इन्स्टिट्यूटमधून बी.टेक आणि पाटण्याच्या चंद्रगुप्त मॅनेजमेंट इन्स्टिट्यूटमधून एमबीए केलं आहे. त्यानंतर त्याने टाटा एडव्हान्स्ड सिस्टीम लिमिटेडच्या हैदराबाद आणि बंगळूरु कॅम्पसमध्ये 6 वर्षं 22 लाखांच्या पॅकेजवर काम केलं. मग त्याने हे सगळं सोडलं आणि स्वतःचा चप्पल बनवण्याचा स्टार्टअप सुरू केला. शशीने सक्कडी येथे चप्पलचा कारखाना थाटला आहे. शशी सांगतो की, सुरुवातीला काही अडचणी आल्या, पण आता हळूहळू सगळं रुळावर येत आहे. सध्या हाजीपूर, पाटणा, जहानाबादसह अनेक भागातून ऑर्डर्स येत आहेत. काही कंपन्यांकडूनही ऑर्डर्स मिळाल्या आहेत, ज्यात बहुतेक ऑनलाइन शॉपिंग कंपन्या आहेत. सध्या दर महिन्याला 3 ते 5 लाख रुपयांपर्यंतच्या ऑर्डर्स येत आहेत, ज्या पूर्ण करून पाठवल्या जात आहेत.