IT नोकरी सोडली, 'ही' तरुणी गावाकडे आली, सुरू केला 'हा' स्टार्टअप; शेकडो महिलांचं बदललं आयुष्य!

शफा एकेकाळी आयटी कंपनीत चांगल्या पगाराच्या नोकरीत होती. पण करोना काळात तिला ती नोकरी सोडावी लागली आणि मग ती गावात परतली. शहरातून गावात आल्यावर तिने स्वतःचं काही तरी सुरू करण्याचा निर्णय घेतला. आणि तिने सुरू केला ‘लाख क्लस्टर’. या व्यवसायाची सुरुवात करताना शफाने गावातील अशिक्षित, गरीब, निराधार महिलांना एकत्र बोलावलं आणि त्यांना विचारलं - "एक कंपनी सुरू करणार आहे, काम कराल का?" सुरुवातीला महिलांना काहीही माहिती नव्हतं, पण शफाने त्यांना प्रशिक्षण दिलं. आज याच महिला महिन्याला 5 ते 10 हजार रुपये कमावत आहेत.