या महिलेने 18 वर्ष केला संघर्ष, तेव्हा कुठं मिळालं यश, आता वर्षाला होतीय लाखोंची कमाई!

सराथुआ गावात, विभा देवी स्वतःच्या पायावर उभ्या आहेत. घरीच साबण बनवण्यासोबतच, त्या गावातील महिला आणि मुलींना हे नैसर्गिक साबण बनवण्याची कला शिकवतात, जेणेकरून इतर महिलाही स्वतःच्या पायावर उभ्या राहू शकतील.

आज विभा देवी एक यशस्वी महिला आहेत, पण यामागे त्यांच्या 18 वर्षांच्या प्रदीर्घ संघर्षाची कहाणी आहे. 2007 मध्ये त्यांनी पती आणि सासरच्या लोकांच्या विरोधात जाऊन पार्लरमध्ये काम केलं, जिथे त्यांना 800 रुपये मिळाले. त्यानंतर त्यांनी शिवणकाम सुरू केलं आणि कृषी विभागाच्या 'आत्मा' संस्थेतून साबण बनवण्याचं प्रशिक्षण घेतलं. तेव्हापासून पार्लर, शिवणकाम आणि साबण बनवण्याचं काम त्या करत आहेत.

विभा देवींच्या कामात गावातील 15 महिला मदत करतात. त्या दररोज 25 ते 50 रुपये किमतीचे 20 ते 25 साबण बनवतात. महिन्याला सुमारे 1300 ते 1500 साबण बनवून, त्या 25 ते 28 हजार रुपये कमावतात. विभा देवींनी दाखवून दिलं आहे की, जिद्द आणि मेहनतीच्या जोरावर कोणतीही महिला स्वतःचं भविष्य घडवू शकते. त्यांची ही कहाणी अनेक महिलांसाठी प्रेरणादायी आहे!