फ्रिजवर ठेवू नका 'या' वस्तू, नाहीतर 100% होईल नुकसान; मेकॅनिकचा इशारा

फ्रिज आणि एसी दुरुस्तीचे 20 वर्षांपेक्षा जास्त अनुभव असलेले टेक्नीशियन शैलेन्द्र शर्मा सांगतात की, फ्रिजच्या वर कधीही वस्तू ठेवू नये. कारण फ्रिज वरूनही उष्णता (हीट) बाहेर सोडतो. वस्तू ठेवल्याने हीट अडकते आणि फ्रिजमध्ये अनेक समस्या निर्माण होतात. त्यामुळे फ्रिज नेहमी वरून रिकामाच ठेवावा, असा सल्ला देतात.

अनेकजण लहान मायक्रोवेव किंवा ओव्हन फ्रिजवर ठेवतात. पण हे उपकरण स्वतःही बरीच उष्णता सोडतात. त्यामुळे फ्रिजची उष्णता बाहेर पडू शकत नाही आणि मायक्रोवेवची उष्णता त्याला आणखी गरम करते. यामुळे फ्रिजमध्ये गॅस लीक होणे, कंप्रेसर खराब होणे अशा गंभीर समस्या उद्भवू शकतात.

काही घरी फ्रिजला धूळ लागू नये म्हणून वरून प्लास्टिक किंवा कापड घालून झाकतात. हेही फ्रिजसाठी घातक आहे, कारण उष्णता नीट बाहेर पडत नाही. त्यामुळे अशा कव्हरचा वापर टाळावा.

घरात दूध उकळून किंवा जेवण गरम करून फ्रिजमध्ये ठेवण्यापूर्वी थंड होण्यासाठी काही लोक ते भांडे फ्रिजच्या वर ठेवतात. ही मोठी चूक आहे. गरम भांडी ठेवल्याने फ्रिजमधील उष्णता आणखी वाढते आणि कंप्रेसरवर जास्त लोड येतो. त्यामुळे फ्रिजची कार्यक्षमता कमी होते आणि आयुष्यही घटते.