Trending:

Fake Iphone identify Tips: खुलेआम विकले जाताय iPhone! तुमचा नकली आहे की असली? असं करा चेक

Published by:Mohini Vaishnav

Last Updated:December 04, 2024 12:32 PM IST

Fake Iphone identify Tips in Marathi: ऑफर्सवर आयफोन खरेदी करताना काळजी घ्या आणि बनावट उपकरणे टाळा. खरा आयफोन ओळखण्यासाठी पॅकेजिंग, सीरियल नंबर, IMEI नंबर, बिल्ड क्वालिटी, सॉफ्टवेअर आणि iOS व्हर्जन तपासा. नेहमी अधिकृत विक्रेत्यांकडूनच खरेदी करा.

नवी दिल्ली : आयफोन हा जगभरात सर्वाधिक विकला जाणारा स्मार्टफोन आहे. अॅपलचे हे फ्लॅगशिप डिव्हाइस केवळ त्याच्या उत्कृष्ट फीचर्ससाठी आणि स्पेसिफिकेशन्ससाठी प्रसिद्ध नाही. तर ते अनेक लोकांसाठी एक स्टेटस सिम्बॉल देखील आहे. 2024 च्या तिसऱ्या तिमाहीत, Apple ने iPhone विक्रीतून अंदाजे 39 अब्ज अमेरिकन डॉलर कमाई केली. मात्र, आयफोनच्या वाढत्या मागणीमुळे बनावट उपकरणांची समस्याही वाढली आहे.

सणासुदीच्या काळात ऑनलाइन आणि ऑफलाइन बाजारात सूट आणि सेलचे वातावरण असते. त्यामुळे बनावट आयफोन खरेदी करणे किंवा दुरुस्ती करताना मूळ आयफोनच्या बदल्यात बनावट डिव्हाइस दिल्याच्या घटना वाढू शकतात. तुम्ही नवीन आयफोन खरेदी करण्याचा विचार करत असाल, किंवा सध्याच्या डिव्हाइसची चाचणी घ्यायची असेल, तर येथे दिलेल्या ट्रिक तुम्हाला मदत करू शकतात.

WhatsApp वर फोटो सेंड केल्याने क्वालिटी खराब होते? HD मध्ये असे करा सेंड

खरा किंवा बनावट आयफोन कसा ओळखायचा?

1. पॅकेजिंग आणि ॲक्सेसरीजकडे लक्ष द्या

अॅपलचे पॅकेजिंग उच्च दर्जाचे असते. मूळ आयफोन बॉक्स मजबूत असतो आणि टेक्स्ट प्रिंटिंग स्वच्छ असते. ॲक्सेसरीज, जसे की चार्जिंग केबल्स, Apple मानकांचे पालन करणे आवश्यक आहे. प्रिंटिंग खराब असल्यास, बॉक्स सैल वाटत असल्यास किंवा ऍक्सेसरीज जुळत नसल्यास सावध रहा.

2. सीरियल नंबर आणि IMEI नंबर तपासा

सीरियल नंबर: iPhone वर, Settings > General > About वर जा आणि नंबर नोट करा. अॅपलच्या Check Coverage वेबसाइटवर माहिती टाकून करून तपासा.

IMEI क्रमांक: iPhone वर #06# डायल करा आणि बॉक्स आणि सिम ट्रेवर लिहिलेल्या क्रमांकाशी IMEI नंबर जुळवा.

iphone स्लो चार्ज होतोय का? फॉलो करा या ट्रिक, सुपरफास्ट होईल चार्ज

3. बिल्ड क्वालिटी आणि डिझाइन तपासा

मूळ आयफोनची क्वालिटी मजबूत असते. त्याची बटणे, स्क्रीन, वजन आणि डिझाइन अॅपल मानकांनुसार आहेत. बनावट डिव्हाइसमध्ये अनेकदा लोगो चुकीच्या ठिकाणी, खडबडीत कडा किंवा बटणं डिले असतात.

4. सॉफ्टवेअर आणि iOS व्हर्जनची पुष्टी करा

Settings > General > Software Update वर जाऊन डिव्हाइस iOS च्या लेटेस्ट व्हर्जनवर चालत असल्याची खात्री करा.

"Hey Siri" कमांड वापरा. Siri काम करत नसल्यास, डिव्हाइस बनावट असू शकते.

या 4 सेल्फ-हेल्प टिप्स व्यतिरिक्त, तुमचा फोन खरा आहे की बनावट याची माहिती मिळवण्यासाठी तुम्ही Apple डीलरशिपवर जाऊ शकता.

सणासुदीच्या खरेदीत सावध राहा

सणासुदीच्या सेलमध्ये स्वस्त दरात iPhone खरेदी करण्यासाठी, कोणत्याही अनधिकृत विक्रेत्याकडून डिव्हाइस खरेदी करणे टाळा. केवळ Apple स्टोअर्स किंवा विश्वसनीय प्लॅटफॉर्मवरून खरेदी करा.

Location :

Mumbai,Maharashtra

First Published :

December 04, 2024 12:17 PM IST

Fake Iphone identify Tips: खुलेआम विकले जाताय iPhone! तुमचा नकली आहे की असली? असं करा चेक