फोनवर टेंपर्ड ग्लास लावणाऱ्यांनो आधी हे वाचा! या 5 गोष्टी माहिती नसल्यास होईल नुकसान 

बाजारात वेगवेगळ्या प्रकारचे स्क्रीन प्रोटेक्टर उपलब्ध आहेत. प्रत्येकाचा वापर वेगळ्या गरजेनुसार केला जातो. टेंपर्ड ग्लास सामान्यतः सुरक्षेसाठी ओळखली जाते आणि फोन पडल्यावर स्क्रीनचा बचाव करण्यात मदत करते. तुम्ही गेमिंग जास्त करत असाल किंवा मग उन्हात फोनचा जास्त वापर करत असाल तर मॅट फिनिशचा ग्लास बेस्ट ठरतो. कारण यात रिफ्लेक्शन कमी असतं आणि बोटांचे ठसे खुप कमी दिसतात.

तसंच प्रायव्हसी ग्लास अशा लोकांसाठी योग्य आहे, ज्यांना त्यांची स्क्रीन कोणालाच दिसू नये असं वाटतं. यासोबतच कर्व्ड डिस्प्लेच्या स्मार्टफोनसाठी यूव्ही ग्लास जास्त बेस्ट मानला जातो. कारण तो स्क्रीनवर चांगल्या प्रकारे फिट बसतो.

टेंपर्ड ग्लास खरेदी करताना त्याची क्वालिटी खुप महत्त्वाची ठरते. 9H हार्डनेसचा ग्लास जास्त मजबूत मानला जातो. यावर चावी, नाणीसारख्या वस्तूंमुळे स्क्रॅच होत नाहीत. सोबतच 2.5D किंवा 3D एजेसचा ग्लास फक्त दिसायलाच बेस्ट नाही तर वापरासाठी जास्त आरामदायक असतो. यासोबतच ओलियोफोबिक कोटिंग ग्लास निवडणं फायदेशीर ठरतं. कारण हा स्क्रीनवर बोटांचे ठसे आणि तेलाचे डाग कमी करतो. तसंच फूल ग्लूच्या ग्लासला प्राधान्य द्यायला हवं. कारण बॉर्डर ग्लू ग्लासमध्ये अनेकदा टच रिस्पॉन्स कमकुवत होतो आणि धूळ जमा होण्याची समस्या राहते.

टेंपर्ड ग्लास लावताना सर्वात मोठी चूक लोक स्वच्छतेमध्ये करतात. स्क्रीनवर थोडीही धूळ असली तर ग्लासच्या खाली बबल्स तयार होतात. हे खराब दिसतात. यासोबतच लवकर ग्लास निघते. यामुळे ग्लास लावण्यापूर्वी स्क्रीन चांगली स्वच्छ करुन घ्यायला हवी.

तुम्ही योग्य टेंपर्ड ग्लास निवडला आणि तो योग्य पद्धतीने लावला तर तुमच्या फोनची स्क्रीन दीर्घकाळ सुरक्षित राहू शकते. लहान-लहान गोष्टींकडे लक्ष ठेवून तु्म्ही तुमच्या स्मार्टफोनला चांगली सुरक्षा देऊ शकता. तसंच वारंवार स्क्रीन बदलण्याची समस्या तुम्हाला येणार नाही.