तुमचं राउटरही करतंय हेरगिरी! Wi-Fi सिग्नल आता सांगेल रुममधील स्थिती, पण कसं?

मुंबई : तुमचा वाय-फाय राउटर फक्त इंटरनेट पुरवण्यापुरता मर्यादित नाही का? अलिकडच्या संशोधनातून असे दिसून आले आहे की, सामान्य वाय-फाय सिग्नल देखील एखाद्याची उपस्थिती आणि खोलीतील त्यांच्या हालचाली ओळखू शकतात, अगदी त्या व्यक्तीजवळ कोणतेही उपकरण नसतानाही. जर्मनीतील कार्लस्रुहे इन्स्टिट्यूट ऑफ टेक्नॉलॉजी (KIT) येथील शास्त्रज्ञांनी एक तंत्रज्ञान विकसित केले आहे जे रेडिओ लहरींच्या वर्तनाचा अभ्यास करून एखाद्या व्यक्तीच्या उपस्थिती आणि हालचालींची प्रतिमा तयार करते. ज्याप्रमाणे कॅमेरा प्रकाशाने दृश्य तयार करतो, त्याचप्रमाणे ही प्रणाली वातावरणाची रूपरेषा तयार करण्यासाठी रेडिओ सिग्नल वापरते.