Thane Traffic Update: ठाणेकरांनो, निवडणूक संपली आता ते दिवस परतणार; वाहतुकीबद्दल नवी माहिती समोर
- Published by:Chetan Bodke
- local18
Last Updated:
Thane Traffic Update: ठाणे शहर वाहतूक विभागाकडून घोडबंदर रोडवरील पादचारी पुलाच्या कामासाठी विशेष ब्लॉक घेतला जाणार आहे. रविवारी 18 जानेवारी रोजी जड वाहनांवर तात्पुरते निर्बंध लादण्यात येणार असल्याची माहिती पोलिसांनी दिली.
ठाणे: ठाणे शहर वाहतूक विभागाकडून घोडबंदर रोडवरील पादचारी पुलाच्या कामासाठी ब्लॉक घेतला गेला आहे. ठाण्याच्या घोडबंदर रोडवर रविवारी, 18 जानेवारी रोजी सकाळी 7 ते दुपारी 1 वाजेपर्यंत जड वाहनांवर तात्पुरते निर्बंध लादण्यात येणार असल्याचे वाहतूक पोलिसांनी सांगितले. कासारवडवलीजवळील 48 मीटर लांबीचा फूट ओव्हर ब्रिज (FOB) उभारण्यासाठी हे निर्बंध लावण्यात आले असल्याची माहिती देण्यात आली आहे. ठाणे पोलिसांनी त्यांच्या सोशल मीडिया हँडलवर वाहतूक नियंत्रणाची अधिसूचना शेअर केली आहे.
ठाणे पोलिसांनी दिलेल्या वाहतूक नियंत्रणाच्या अधिसूचनेनुसार, घोडबंदर रोडवरील फूटपाथच्या दोन्ही बाजूला 48 मीटर लांब, 3.80 मीटर रुंद आणि 4 मीटर उंच फूट ओव्हर ब्रिज उभारण्यात येणार आहे. त्यासाठी वाहतूक विभागाकडून वाहतुकीवर निर्बंध लावण्यात येणार आहेत. मुंबई आणि ठाण्याहून घोडबंदर रोडकडे जाणारी सर्व जड वाहने वाय जंक्शन आणि कापूरबावडी जंक्शनच्या इथेच त्यांच्यावर प्रवेश बंदी असणार आहे. मुंबई, ठाण्याहून घोडबंदर रोडकडे जाणारे सर्व जड वाहने वाय जंक्शनवरून नाशिक रोडवरून खारेगाव टोल प्लाझा, मानकोली, अंजूरफाटा मार्गे त्यांच्या इच्छित स्थळी थेट जाऊ शकतात.
advertisement
मुंबई, ठाण्याहून घोडबंदर रोडकडे जाणारी सर्व जड वाहने कापूरबावडी जंक्शनजवळ उजवीकडे वळतील आणि कशेळी, अंजूरफाटा मार्गे इच्छित स्थळी जातील. सोबतच, मुंब्रा, कळवा इथून घोडबंदर रोडकडे जाणारे सर्व जड वाहने खारेगाव टोल प्लाझा येथूनच त्यांच्यावर प्रवेश बंदी केली गेली आहे. मुंब्रा, कळवा येथून घोडबंदर रोडकडे जाणारी सर्व वाहने खारेगावचा बे ब्रिज, खारेगाव टोल प्लाझा, मानकोली, अंजूरफाटा मार्गे त्यांच्या इच्छित स्थळी थेट जाऊ शकतात. नाशिकहून घोडबंदर रोडकडे जाणाऱ्या सर्व जड वाहनांना माणकोली नाक्यावरच प्रवेश बंद केला जाणार आहे. नाशिकहून घोडबंदर रोडकडे जाणाऱ्या सर्व जड वाहनांना माणकोली पुलाखालून उजवीकडे वळून अंजूरफाटा मार्गे त्यांच्या इच्छित स्थळी थेट जाऊ शकणार आहेत.
Click here to add News18 as your preferred news source on Google. मुंबई आणि पुण्यासह महाराष्ट्रातील महानगरपालिका निवडणुकीचे निकाल पाहण्यासाठी येथे क्लिक करा आणि ताज्या निवडणूक बातम्या तसेच अपडेट्सची यादी मिळवा.
Location :
Thane,Maharashtra
First Published :
Jan 17, 2026 7:24 PM IST
मराठी बातम्या/ठाणे/
Thane Traffic Update: ठाणेकरांनो, निवडणूक संपली आता ते दिवस परतणार; वाहतुकीबद्दल नवी माहिती समोर
