Thane News: होळीला पाण्याची पिशवी फेकून मारली, जाब विचारताच डोकं फिरलं, ठाण्यात भयंकर घडलं

ठाणे: होळीचा सण संपूर्ण महाराष्ट्रात उत्साहात साजरा झाला. परंतु, रंग टाकण्यावरून काही ठिकाणी वादाचे प्रसंग घडल्याचेही वृत्त आहे. असाच एक धक्कादायक प्रकार ठाण्यातील कापूरबावडी पोलीस ठाण्याच्या क्षेत्रात घडला आहे. होळीच्या दिवशी पाण्याने भरलेली पिशवी फेकून मारल्याचा जाब विचारल्यावर एकावर चाकू हल्ला झाला. नरेश कनोजीया असे 21 वर्षीय हल्लेखोराचे नाव असून त्याच्यावर गुन्हा दाखल झाला आहे.