मुंबईच्या जवळ होणार तिसरं विमानतळ, कधी आणि कुठं? CM फडणवीस यांनी सांगितला प्लॅन

मुंबई : मुंबईतील छत्रपती शिवाजी महाराज आंतरराष्ट्रीय विमानतळ आणि नवी मुंबई विमानतळानंतर आता राज्यात तिसरे विमानतळ उभारण्याबाबत राज्य सरकारने विचार सुरू केला आहे. नवी मुंबई विमानतळाला मिळणारा वाढता प्रतिसाद आणि भविष्यात वाढणारी प्रवासीसंख्या लक्षात घेता हा निर्णय महत्त्वाचा मानला जात आहे. सुरुवातीला हे तिसरे विमानतळ पालघर जिल्ह्यात उभारण्याचा प्रस्ताव होता. मात्र आता विरारसह इतर पर्यायांचाही सविस्तर अभ्यास सुरू करण्यात आला आहे.