Kalyan News : कल्याण मुरबाड वाहतुकीत मोठे बदल, शहाड उड्डाण पूल 20 दिवस बंद, पर्यायी मार्ग कोणते?

3 ते 23 नोव्हेंबर दरम्यान वाहनचालकांना थोडा संयम ठेवावा लागणार असला, तरी या कामानंतर शहाड पुलावरून प्रवास अधिक सुखद होईल. ठाणे वाहतूक विभाग व महामार्ग प्राधिकरणाने नागरिकांना दिलेल्या सूचनांचे पालन करून सुरक्षित प्रवास करण्याचे आवाहन केले आहे. यावेळी कल्याण एसटी डेपोचे व्यवस्थापक महेश भोये यांनी सांगितले की, कल्याण एसटी डेपोतून कल्याण अहिल्यानगरकडे जाण्यासाठी दर 15 मिनिटांनी एक बस सोडली जाते. त्याचबरोबर मुरबाडसाठी बस चालविल्या जातात. याशिवाय मुरबाड बस डेपोतूनही कल्याणच्या दिशेने बस चालविल्या जातात. पूल बंद असल्याने पर्यायी मार्ग हा 12 किलोमीटरने प्रवासाचे अंतर वाढणार असून प्रवाशांना जास्तीचे तिकीट घेण्याची शक्यता असल्याने अनेक अडचणी या काळात येऊ शकतात.