Navi Mumbai News: ‘मोरबे’ धरणाचं पाणी आता दिघ्यापर्यंत, ऐरोली, रबाळे एमआयडीसीची पाणी टंचाई होणार दूर!

नवी मुंबई: नवी मुंबई महानगरपालिकेने दिघा ते शिरवणे परिसरातील नागरिकांना पाणी टंचाईपासून दिलासा दिला आहे. दीर्घकाळ प्रलंबित असलेल्या पाणी पुरवठ्याची समस्या सोडवण्यासाठी मोरबे धरणातून थेट आणि नियमित पाणीपुरवठा करण्याच्या योजनेचा श्रीगणेशा केला आहे. गेल्या सहा वर्षांपासून रहिवाशांना भेडसावणाऱ्या अनियमित पाणी पुरवठा आणि कमी दाबाच्या समस्या सोडवण्याचा निर्णय घेण्यात आला आहे. सध्या या परिसरातील नागरिकांना एमआयडीसी परिसरातील बारवी धरणातून पाणी मिळते, परंतु हा पुरवठा अत्यंत अनियमित राहिला आहे, त्यात वारंवार व्यत्यय येतो आणि काही वेळा तो पूर्णपणे थांबतो, ज्यामुळे स्थानिकांना मोठा त्रास सहन करावा लागत आहे.