ऑस्ट्रेलियातून 'मास्टर्स' केलं अन् नाशिकमध्ये चहाचा स्टॉल लावला! आर्किटेक्ट तरुणानं कसं फिरवलं नशिबाचं चाक?

नाशिक: जिद्द आणि कष्टाची तयारी असेल तर कोणतेही काम छोटे नसते, हे नाशिकच्या एका तरुण आर्किटेक्टने सिद्ध करून दाखवले आहे. ऑस्ट्रेलियातून उच्च शिक्षण पूर्ण करून मायदेशी परतलेल्या पुष्कर चोरडिया या तरुणाने नोकरीवर अवलंबून न राहता स्वतःचा रोड साईड व्यवसाय सुरू केला आहे. आज तो दिवसा नोकरी आणि सायंकाळी आपला व्यवसाय सांभाळून महिन्याकाठी 50 हजार रुपयांहून अधिक उलाढाल करत आहे.