अमेरिकेतून आली मोठी बातमी, ट्रम्प काही तरी खळबळजनक करण्याच्या तयारीत; जगाचं गणित बिघडणार

सीआयएने एका निवेदनात म्हटले आहे की एजन्सीचे संचालक जॉन रॅटक्लिफ हे राष्ट्राध्यक्ष ट्रम्प यांच्या राष्ट्रीय सुरक्षा प्राधान्या लक्षात घेऊन हे पाऊल उचलत आहेत. निवेदनात म्हटले आहे, हे बदल सीआयएला नवी ऊर्जा देण्यासाठी, उदयोन्मुख नेतृत्वाला पुढे आणण्यासाठी आणि मिशन अधिक चांगल्या प्रकारे पूर्ण करण्याच्या धोरणाचा भाग आहेत. तथापि या बदलांवर अमेरिकन काँग्रेसमध्ये खळबळ आहे. राष्ट्रीय गुप्तचर संचालक तुलसी गॅबार्ड यांच्या प्रवक्त्याने यावर कोणतीही प्रतिक्रिया दिलेली नाही. गॅबार्ड यांचे कार्यालय 18 गुप्तचर संस्थांच्या समन्वयाचे काम करते. या संस्थांमध्ये सीआयए आणि एनएसए यांचाही समावेश आहे.

अलीकडेच एनएसए आणि सायबर कमांडच्या प्रमुखांना अचानक पदावरून हटवण्यात आले. सायबर धोक्यांच्या वाढत्या काळात अमेरिकेच्या गुप्तचर नेतृत्वाला स्थिरतेची गरज असताना हे पाऊल महत्त्वाचे मानले जाते. पण ट्रम्प यांच्या योजनेत ‘स्थिरते’साठी सध्या कोणतीही जागा नाही. सीआयएचे संचालक रॅटक्लिफ यांनी यापूर्वीच संकेत दिले आहेत की ते एजन्सीचे लक्ष चीनवर केंद्रित करू इच्छितात. त्यांचे म्हणणे आहे की मानवी स्रोतांकडून गुप्त माहिती गोळा करण्याला (Human Intelligence) प्राधान्य दिले जाईल. म्हणजेच तांत्रिक देखरेखीऐवजी जमिनीवरील हेरगिरीवर जोर दिला जाईल.