पाकिस्तानचे 14 जवानांना ठार, 'ऑपरेशन सिंदूर'ला 24 तास होण्याआधी 'भाडोत्री फौजांना' IEDने उडवले

BLA चे प्रवक्ते जियंद बलोच यांच्या माहितीनुसार, पहिला हल्ला बोलनच्या माच भागातील शोरकंद परिसरात झाला. या हल्ल्यात पाकिस्तानी लष्कराच्या ताफ्यावर रिमोट कंट्रोल आयईडीद्वारे हल्ला करण्यात आला. या शक्तिशाली स्फोटात पाकिस्तानी लष्कराचे एक वाहन पूर्णपणे उद्ध्वस्त झाले आणि 12 जवान जागीच ठार झाले. मारल्या गेलेल्यांमध्ये पाकिस्तानी लष्कराचा स्पेशल ऑपरेशन्स कमांडर तारिक इमरान आणि सुबेदार उमर फारूक यांचाही समावेश आहे.

बलुचिस्तानमध्ये होत असलेल्या या वाढत्या हल्ल्यांमुळे पाकिस्तानची सुरक्षा व्यवस्था धोक्यात आली आहे. एका बाजूला भारताकडून दहशतवादी तळांवर कारवाई होत असताना, दुसरीकडे देशांतर्गत अशांतता वाढत असल्याने पाकिस्तानची डोकेदुखी वाढली आहे.