26 वर्षांची इन्फ्लुएंसर 1600 फूट खोल ज्वालामुखीत पडली, ड्रोन कॅमेऱ्यात कैद झाली शेवटची हालचाल

जकार्ता: इंडोनेशियामधील बचाव आणि मदत पथक ब्राझीलची महिला पर्यटक जूलियाना मरीन्स हिला शोधण्याचा आणि वाचवण्याचा प्रयत्न करत आहे. ही महिला लोम्बोक बेटावरील सक्रिय माउंट रिंजानी ज्वालामुखीच्या एका उंच जागेवरून खाली पडली आहे. मिळालेल्या माहितीनुसार, शनिवारी 26 वर्षीय ब्राझीलची पर्यटक जूलियाना मरीन्स एका उंच जागेवरून घसरून खोल ज्वालामुखीत पडली. ड्रोन फुटेजमध्ये ती जिवंत असून शुद्धीत असल्याचे दिसून आले आहे. ती मदतीसाठी किंचाळत होती आणि तिने हात हलवत असल्याचे पाहण्यात आले आहे. मात्र धुके, धोकादायक भूप्रदेश आणि खराब हवामानामुळे बचाव पथकाला तिच्यापर्यंत पोहोचण्यात अडचणी येत आहेत.