चीनचे धाडसी कृत्य, अमेरिकेच्या एअर बेसवर केला कब्जा; ट्रम्प घेणार 'विनाशकारी' निर्णय

गुरुवारी व्हाईट हाऊसमध्ये राष्ट्रीय प्रार्थना दिनानिमित्त आयोजित कार्यक्रमात बोलताना ट्रम्प यांनी हा दावा केला. ते म्हणाले, ...आपण बगराम तळ आपल्याकडेच ठेवणार होतो. हा एक मोठा हवाई तळ आहे. जो चीन जिथे आपली अण्वस्त्रे बनवतो त्या ठिकाणापासून फक्त एका तासाच्या अंतरावर आहे. ते (चीन) बगरामपासून एका तासाच्या अंतरावर आपली अणु क्षेपणास्त्रे बनवतात आणि मी म्हणालो होतो की तुम्ही बगराम सोडू शकत नाही.

ट्रम्प यांनी अमेरिकेचे माजी राष्ट्राध्यक्ष ज्यो बायडेन यांच्या नेतृत्वाखालील प्रशासनाच्या काळात अफगाणिस्तानातून अमेरिकन सैन्याच्या माघारीला 'विनाशकारी' म्हटले आहे.

ट्रम्प यांच्या या दाव्याने आंतरराष्ट्रीय स्तरावर चर्चा सुरू झाली आहे. मात्र चीन किंवा अमेरिकेच्या सध्याच्या प्रशासनाकडून यावर अद्याप कोणतीही अधिकृत प्रतिक्रिया आलेली नाही.