उंदराला मांजराची साक्ष! पहलगाममध्ये खंजीर खुपसून पाकिस्तानची 'निष्पक्ष' मागणी, अन् चीन म्हणते- ही तर...

नवी दिल्ली: जम्मू आणि काश्मीरमधील पहलगाम येथे झालेल्या भयानक दहशतवादी हल्ल्यानंतर केंद्र सरकार पाकिस्तानविरोधात वेगाने आणि कठोर पाऊले उचलत आहे. ज्यामुळे पाकिस्तानात काहीसे भीतीचे वातावरण निर्माण झाले आहे. याच पार्श्वभूमीवर, चीनचे विदेश मंत्री वांग यी यांनी पाकिस्‍तानचे उपपंतप्रधान आणि विदेश मंत्री मोहम्मद इशाक डार यांच्याशी फोनवरून महत्त्वपूर्ण चर्चा केली आहे. या चर्चेदरम्यान पहलगाम हल्ल्याच्या निष्पक्ष आणि वस्तुनिष्ठ चौकशीच्या पाकिस्तानच्या मागणीला चीनने पाठिंबा दर्शवला आहे.