इराणचा अमेरिकेला दणका! कुवेतमध्ये पाडलं F15 फायटर जेट, धडकी भरवणारा पहिला VIDEO

अमेरिकेनं विचार केला होत्या त्यापेक्षा जास्त इराण या युद्धात तक धरून हल्ला करत असल्यानं ट्रम्प यांचं टेन्शन वाढलं आहे. इराण आणि इस्रायल यांच्यात सुरू असलेल्या संघर्षादरम्यान, कुवेतच्या हवाई हद्दीत अमेरिकेचे F-15 हे अत्याधुनिक फायटर जेट क्षेपणास्त्र हल्ल्यात कोसळल्याची घटना समोर आली आहे.

विशेष म्हणजे, इराणने या घटनेचा व्हिडिओ शेअर करत हे विमान पाडल्याचा दावा केला आहे. या भीषण अपघातात विमान जळून खाक झाले असले तरी, सुदैवाने दोन्ही वैमानिक सुरक्षित असल्याचे वृत्त आहे. हे विमान गरगर हवेत फिरलं आणि आग लागली. विमान क्रॅश होत असताना वैमानिकाने पॅराशूटचा वापर करून आपले प्राण वाचवले.

हा अपघात झाला की हल्ला, यावर चर्चा सुरू असतानाच इराणने या घटनेचा व्हिडिओ जारी करून हे विमान पाडल्याचा दावा केला आहे. दुसरीकडे, एएफपी (AFP) या वृत्तसंस्थेने कुवेतमधील अमेरिकन दूतावासातून धुराचे लोट निघत असल्याची माहिती दिली आहे. या दोन्ही घटनांमुळे खाडी देशांमध्ये युद्धाचे ढग अधिक गडद झाले असून अमेरिकेची पुढील पावलं काय असतील, याकडे जगाचे लक्ष लागले आहे.