उबदार कपडे काढून पुरुष अधिकाऱ्यांकडून तपासणी, US विमानतळावर 8 तास भारतीय बिझनेस वुमनसोबत गैरवर्तन

मुंबई: फोनची बॅटरी उतरल्यानंतर पटकन इमर्जन्सीसाठी फोन चार्ज व्हावा म्हणून पावर बँक वापरतो, मात्र तिच पावरबँक एका महिला उद्योजकासाठी मोठी अडचण ठरली. या पावरबँकमुळे तिच्यासोबत अत्यंत वाईट आणि अपमानास्पद वागणूक मिळाली. अमेरिकेतील अँकोरेज विमानतळावर एका भारतीय उद्योजिकेला तब्बल आठ तासांहून अधिक काळ ताब्यात ठेवत अत्यंत अपमानास्पद वागणूक दिल्याचा प्रकार उघडकीस आला आहे. श्रुती चतुर्वेदी असे या उद्योजिकेचे नाव असून, त्यांनी सोशल मीडिया प्लॅटफॉर्म 'X' (पूर्वीचे ट्विटर) वर आपल्या अनुभवाची माहिती दिली आहे.