इराणचा आजवरचा धाडसी हल्ला, जेरुसलेमवर Missile डागली; हे युद्ध आता थांबवलं नाही, तर युरोप-आशियाही जळेल

अनेक अहवालांनुसार, इराणी क्षेपणास्त्रांचा प्रभाव तेल अवीव, हायफा, जेरुसलेम आणि बेअर्शेबा या भागांत दिसून आला. याच वेळी इस्रायली लष्करानेही दुजोरा दिला की देशातील अनेक भागांमध्ये एअर रेड सायरन्स वाजवण्यात आले. मात्र लष्कराच्या निवेदनात नेमक्या ठिकाणांचा उल्लेख करण्यात आलेला नाही. थोड्याच वेळापूर्वी, इराणकडून इस्रायलच्या दिशेने डागण्यात आलेल्या क्षेपणास्त्रांची ओळख झाल्यानंतर इस्रायलमधील अनेक भागांमध्ये सायरन्स वाजवले गेले.

या ताज्या हल्ल्यानंतर इस्रायलच्या मगेन डेव्हिड अडॉम (MDA) या आपत्कालीन बचाव संस्थेने सांगितले की, शरपणेल लागून दोन जण जखमी झाले आहेत. एक 16 वर्षीय मुलगा गंभीर अवस्थेत रुग्णालयात दाखल करण्यात आला असून त्याच्या वरच्या शरीरावर जखमा झाल्या आहेत. तर 54 वर्षीय पुरुषाच्या खालच्या पायांवर मध्यम स्वरूपाच्या जखमा झाल्या आहेत. MDA ने जखमांचे नेमके स्थान जाहीर केलेले नाही.

तुर्कस्तानचे अध्यक्ष रेसेप तय्यिप एर्दोगान यांनी इशारा दिला आहे की, इराण आणि इस्रायलमधील वाढता संघर्ष धोकादायक टप्प्याकडे झपाट्याने जात आहे.