काही तरी मोठं घडणार, सर्वोच्च नेता थेट न्यूक्लिअर बंकरमध्ये लपला; जग हादरवणाऱ्या घडामोडींचे संकेत

खामेनेई यांनी ट्रम्प यांना थेट ‘गुन्हेगार’ (Criminal) ठरवले होते. यावर प्रत्युत्तर देताना ट्रम्प यांनी इराणमध्ये सत्तांतर (तख्तापलट) घडवून आणण्याची धमकी दिली होती. या घडामोडींनंतर आता एक अत्यंत महत्त्वाची आणि धोक्याची माहिती समोर आली आहे. अयातुल्ला खामेनेई अचानक बंकरमध्ये जाऊन लपले आहेत. यापूर्वी जेव्हा खामेनेई बंकरमध्ये गेले होते, तेव्हा इराणवर जोरदार क्षेपणास्त्र हल्ले झाले होते. त्यामुळेच आता पुन्हा एकदा इराणमध्ये काहीतरी मोठं घडण्याची शक्यता व्यक्त केली जात आहे.

यापूर्वी जून महिन्यात खामेनेई तब्बल २१ दिवस भूमिगत बंकरमध्ये होते. त्या काळात अमेरिकेने इराणच्या अणुऊर्जा प्रकल्पांवर हल्ले केल्याचे वृत्त समोर आले होते. त्यामुळे सध्याची परिस्थितीही तशीच धोक्याची असल्याचे संकेत मिळत आहेत.

याच वेळी ट्रम्प यांची सत्तांतराची धमकी आणि नेतन्याहू यांचा थेट हल्ल्याचा इशारा या दोन्ही गोष्टींमुळे खामेनेई यांना मोठा धोका जाणवत असल्याचे म्हटले जात आहे. इस्रायलची गुप्तचर संस्था ‘मोसाद’ आणि अमेरिका एकत्र येऊन कधीही तेहरानवर हल्ला करू शकतात, अशी भीती इराणी नेतृत्वाला वाटत आहे.

या सगळ्या घडामोडींमुळे मध्यपूर्वेतील परिस्थिती पुन्हा एकदा अत्यंत स्फोटक वळणावर आली आहे. खामेनेईंचे भूमिगत होणे, अमेरिका-इस्रायलच्या धमक्या आणि इराणमधील अंतर्गत अस्थिरता या साऱ्यांमुळे आगामी काळात इराणमध्ये मोठी लष्करी किंवा राजकीय घडामोड घडण्याची शक्यता नाकारता येत नाही.