'पोलीस गोळ्या घालतील, हे पाणी प्या' अन् 900 लोकांचा काही मिनिटात झाला मृत्यू, डोकं थिजवणारी रिअल स्टोरी

गोड बोलून आणि खोटी आश्वासनं देऊन त्याने शेकडो लोकांना आपलं अनुयायी बनवलं. त्याचे विचार अमेरिकन सरकारपेक्षा वेगळे होते, म्हणूनच त्याने दक्षिण अमेरिकेतील गयाना इथं त्याच्या अनुयायांसोबत दूर जाऊन स्थायिक होण्याचा निर्णय घेतला. त्याच्या चर्चजवळ लोकांना राहण्यासाठी एक छोटेसं गाव बांधलं गेलं. पण काही दिवसांतच त्याच्या अनुयायांना त्याचं वास्तव कळू लागलं. लोकांना दिवसाचे १२ तास काम करायला लावले जात होते. जेव्हा ते थकायचे तेव्हा जिम जोन्स त्यांना झोपू देण्याऐवजी भाषण देत असायचा.

जिम म्हणाला की, त्याच्या एका इशाऱ्यावर, सर्वजण देवाचे स्मरण करत ते पितील. ते प्यायल्याबरोबर सर्वजण जमिनीवर पडू लागले. हे पाहून अनेकांनी ते पिण्यास नकार दिला, म्हणून जिमच्या रक्षकांनी त्यांना जबरदस्तीनं ते पेय पाजलं. ५ मिनिटांतच, तिथं उपस्थित असलेल्या प्रत्येकाचा मृत्यू झाला. २७६ मुले यात सामील होती. जिमने सर्वांना पवित्र पाणी म्हणून प्यायला लावलेल्या विषारी मॉकटेलमध्ये सायनाइड मिसळलं होतं. ते शरीरात प्रवेश करताच मृत्यूला कारणीभूत ठरतं, असं अहवालात उघड झालं आहे. १८ नोव्हेंबर १९७८ रोजी घडलेल्या या सामूहिक आत्महत्येच्या घटनेत, विष पिऊन ९१२ लोकांचा मृत्यू झाला. यामध्ये २७६ मुलं सहभागी होती.