भारताशी पंगा घेत ट्रम्प बेक्कार फसले, खेळी उलटली; घरातून सुरू झाला विरोध, झणझणीत इशारा- संबंध खराब करू नका

भारत अधिक शक्तिशाली व्हावा यासाठी सर्वात मोठी समर्थक मानल्या जाणाऱ्या निक्की हेली म्हणाल्या, चीनला सूट देणे आणि भारतासारख्या विश्वासू सहकाऱ्याशी संघर्ष करणे अमेरिकेच्या परराष्ट्र धोरणासाठी आत्मघाती ठरू शकते. ही वेळ भारताला सोबत घेण्याची आहे, त्याला दूर करण्याची नाही. तुम्ही चीनला का वाचवत आहात?

ट्रम्प यांच्या आरोपांनंतर भारताच्या परराष्ट्र मंत्रालयाने अमेरिकेला सडेतोड उत्तर दिले. मंत्रालयाने म्हटले, आम्ही रशियाकडून तेल खरेदी करत आहोत. कारण ते आमच्या लोकांसाठी आवश्यक आहे. जे आम्हाला तेल देत होते, ते युरोपकडे वळले आहेत. त्यावेळी अमेरिकेने स्वतः आम्हाला बाजारात संतुलन राखण्यासाठी रशियाकडून तेल आयात करण्यास प्रोत्साहन दिले होते. भारताने स्पष्टपणे सांगितले की- अमेरिकाही रशियासोबत व्यापार करत आहे आणि युरोपीय देशही व्यापार करत आहेत. त्यामुळे फक्त भारतावर आरोप करणे तर्कहीन आहे. भारत, एक मोठी अर्थव्यवस्था असल्यामुळे आपल्या राष्ट्रीय हितासाठी आणि आर्थिक सुरक्षेसाठी आवश्यक ती सर्व पाऊले उचलेल.