बड्या बड्या बाता अन्...; म्हणे पाकिस्तानकडून अणुबॉम्बचा धोका होता; भारताचे उत्तर ऐकून ट्रम्प गप्प गार

सूत्रांनी दिलेल्या माहितीनुसार, समितीला सांगण्यात आले की ‘ऑपरेशन सिंदूर’नंतर नवी दिल्ली आणि इस्लामाबाद यांच्यात केवळ पारंपरिक युद्ध झाले आणि अमेरिकेने दावा केल्याप्रमाणे कोणत्याही अणुबॉम्ब हल्ल्याचा कोणताही धोका नव्हता.

भारत-पाकिस्तानच्या मुद्द्यांमध्ये ट्रम्प यांच्या कथित भूमिकेवर भारताचा काही प्रभाव आहे का, या प्रश्नावर परराष्ट्र सचिवांनी मार्मिक टिप्पणी केली, ‘ते निश्चितपणे माझी परवानगी घेत नाहीत.’

गेल्या आठवड्यात भारत आणि पाकिस्तानमध्ये शस्त्रसंधी झाल्यानंतर लगेचच ट्रम्प यांनी दावा केला होता की त्यांनी दोन्ही देशांमध्ये मध्यस्थी केली. ‘ट्रुथ सोशल’ या सोशल मीडिया प्लॅटफॉर्मवर पोस्ट करताना ट्रम्प म्हणाले होते- “अमेरिकेच्या मध्यस्थीने झालेल्या प्रदीर्घ चर्चेनंतर, मला हे जाहीर करताना आनंद होत आहे की भारत आणि पाकिस्तान पूर्ण आणि त्वरित शस्त्रसंधीसाठी सहमत झाले आहेत. दोन्ही देशांचे समजूतदारपणा आणि उत्तम बुद्धिमत्तेचा वापर केल्याबद्दल अभिनंदन. या प्रकरणात लक्ष दिल्याबद्दल धन्यवाद!”

त्यांनी या शस्त्रसंधीला मोठे राजनैतिक यश म्हणूनही सादर केले होते. त्यांनी असा दावा केला होता की त्यांनी संभाव्य अणुयुद्ध टाळले आणि भारत आणि पाकिस्तानच्या नेत्यांनी एकत्र जेवण करावे, अशी त्यांची कल्पना आहे.

परराष्ट्र मंत्रालयाने स्पष्ट केले की, भारत आणि पाकिस्तानच्या लष्करी ऑपरेशन्सच्या महासंचालकांनी थेट लष्करी स्तरावर चर्चा करून शस्त्रसंधी केली. ज्यामध्ये अमेरिका किंवा इतर कोणत्याही तिसऱ्या पक्षाचा सहभाग नव्हता.

याव्यतिरिक्त पंतप्रधान नरेंद्र मोदी यांनी ऑपरेशन सिंदूरनंतर देशाला संबोधित करताना म्हटले होते की, ‘भारत केवळ दोनच मुद्द्यांवर पाकिस्तानशी चर्चा करेल – दहशतवाद आणि पाकिस्तानच्या ताब्यात असलेला काश्मीर (पीओके) परत करणे. सामान्य राजनैतिक संवादाची कोणतीही शक्यता नाही.’

या हल्ल्यांमध्ये राफिक (शोरकोट, झांग), मुरिद (चकवाल), नूर खान (चकलाला, रावळपिंडी), रहीम यार खान, सक्खर आणि चुनियन (कसूर) येथील पाकिस्तानी तळांना लक्ष्य करण्यात आले. या हल्ल्यांमध्ये स्कार्दू, भोलारी, जैकोबाबाद आणि सरगोधा येथील हवाई तळांचे मोठे नुकसान झाले.