पाकिस्तानचा नवा जुगार, अमेरिकेला मोठा दगा तर अरब देशांच्या पाठीत खंजीर; मित्र देशांना वाऱ्यावर सोडून इराणच्या दावणीला बांधले घोडे

न्यूयॉर्क/इस्लामाबाद: असे म्हटले जाते की युद्ध आणि कूटनीतीमध्ये कायमचे मित्र नसतात पण पाकिस्तानने या म्हणीला वेगळ्याच पातळीवर नेले आहे. संयुक्त राष्ट्र सुरक्षा परिषदेत (UNSC) अमेरिकेचा जवळचा मित्र बहरीनने असा प्रस्ताव मांडला होता ज्यामुळे इराणला होर्मुज सामुद्रधुनी पुन्हा खुली करण्यासाठी दबाव येऊ शकला असता. मात्र या महत्त्वाच्या मतदानावेळी पाकिस्तानने तटस्थ राहण्याचा निर्णय घेतला. 15 सदस्यीय सुरक्षा परिषदेत पाकिस्तान हा मतदानात अनुपस्थित राहणाऱ्या दोन देशांपैकी एक होता. या निर्णयामुळे पाकिस्तानने अमेरिका आणि अरब देशांना एक स्पष्ट संदेश दिला असून त्याचे पडसाद वॉशिंग्टनपासून रियाधपर्यंत उमटत आहेत.