मोठी बातमी, पाकिस्तानात सरकारविरोधात बंडखोरी; देशावर लष्कराचे नियंत्रण? कधीही काहीही होऊ शकतं!

इस्लामाबाद : नुकत्याच झालेल्या शस्त्रसंधीच्या करारानंतरही पाकिस्तानकडून कथितरित्या पुन्हा शस्त्रसंधीचे उल्लंघन झाल्याच्या वृत्ताने खळबळ उडाली आहे. या ताज्या घडामोडीमुळे पाकिस्तानमधील सत्तासमीकरणे आणि लष्कराच्या भूमिकेवर गंभीर प्रश्नचिन्ह निर्माण झाले आहे. सूत्रांकडून मिळालेल्या माहितीनुसार, शस्त्रसंधीचे हे उल्लंघन म्हणजे पाकिस्तानी लष्करच देश चालवत असल्याचा आणि ते त्यांच्याच राजकीय नेतृत्वाचे ऐकत नसल्याचा स्पष्ट पुरावा आहे. विशेष म्हणजे याच राजकीय नेतृत्वाने आपल्या लष्करी कारवाई महासंचालकांमार्फत (डीजीएमओ) शस्त्रसंधीसाठी अक्षरशः विनवणी केली होती, असा दावाही सूत्रांनी केला आहे.