Trending:

Plane Crash Video: टेकऑफनंतर क्षणांतच विमान कोसळलं, धावपट्टीवरच स्फोटाचा आवाज, विमानतळ हादरलं; फक्त काही सेकंदांत संपलं सगळं

Published by:Jaykrishna Nair

Last Updated:Oct 23, 2025 7:18 PM IST

Plane Crash: व्हेनेझुएलामध्ये पॅरामिलो विमानतळावर उड्डाण करताच ट्विन-इंजिन विमान कोसळून पेट घेतल्याने दोन वैमानिकांचा दुर्दैवी मृत्यू झाला. काही सेकंदांत आकाशात उसळलेल्या ज्वाळांनी संपूर्ण विमान राख झालं आणि परिसरात भीतीचं वातावरण पसरलं.

इम्पॅक्ट शॉटतुमचा गेटवे लेटेस्ट न्यूज

कराकस: व्हेनेझुएलाच्या टाचिरा (Tachira) राज्यातील पॅरामिलो विमानतळावर (Paramillo Airport) बुधवारी सकाळी एक हलकं (लाइट) विमान टेकऑफदरम्यान कोसळल्याने भीषण अपघात झाला. या दुर्घटनेत विमानातील दोन्ही क्रू मेंबर्सचा जागीच मृत्यू झाला.

अधिकाऱ्यांनी दिलेल्या माहितीनुसार, हे विमान ट्विन-इंजिन पाइपर PA-31T1 (नोंदणी क्रमांक YV1443) प्रकारचं होतं. विमानाने सकाळी स्थानिक वेळेनुसार 9:52 वाजता उड्डाण करण्याचा प्रयत्न केला, पण टेकऑफनंतर काही क्षणांतच त्याने उंची गाठण्यात अपयश येऊन स्टॉल झालं आणि धावपट्टीवर कोसळलं. अपघातानंतर विमानाने तात्काळ पेट घेतला आणि संपूर्ण विमान जळून खाक झालं.

अधिकाऱ्यांची तात्काळ कारवाई

व्हेनेझुएलाच्या नॅशनल इन्स्टिट्यूट ऑफ सिव्हिल एव्हिएशन (INAC) ने या दुर्घटनेची पुष्टी केली आहे. संस्थेने सांगितले की, आपत्कालीन आणि अग्निशमन पथकं तात्काळ घटनास्थळी पोहोचली आणि जुंता इन्व्हेस्टिगादोरा दे अकसिडेंटेस दे एव्हियासिऑन सिव्हिल (JIAAC) या तपास समितीला चौकशीसाठी सक्रिय करण्यात आलं आहे. हा तपास व्हेनेझुएलाच्या नागरी उड्डाण नियमांनुसार केला जाणार आहे.

प्राथमिक तपास आणि व्हिडिओ फुटेज

अपघाताचे प्राथमिक व्हिडिओ सोशल मीडियावर समोर आले आहेत. त्यात दिसतं की विमानाने टेकऑफनंतर थोड्याच वेळात उंची घेतली, पण लगेचच नियंत्रण सुटून खाली आदळलं. प्राथमिक अहवालांनुसार टेकऑफदरम्यान टायर फुटल्याची शक्यता व्यक्त करण्यात येत आहे. परंतु अधिकृत तपास सुरू आहे.

Dos personas murieron tras el accidente de una avioneta Piper PA-31T1 Cheyenne I, matrícula YV1443, que se estrelló este miércoles en el aeropuerto de Paramillo, en San Cristóbal, estado Táchira, Venezuela.

El siniestro ocurrió durante la maniobra de despegue pic.twitter.com/X0ziW08MiW

— Jorge Falcøn (@n_falc30168) October 23, 2025

सोशल मीडियावर व्हायरल दृश्यं

अपघातानंतरच्या व्हिडिओंमध्ये विमानतळावरून घनदाट काळा धूर उसळताना दिसतो. अनेक प्रवाशांनी आणि स्थानिकांनी हा क्षण त्यांच्या मोबाईलवर टिपला. Flightradar24 या फ्लाइट-ट्रॅकिंग संकेतस्थळानुसार, हे विमान व्हेनेझुएलामधील स्थानिक उड्डाणं करत होतं आणि अलीकडेच पनामा आणि क्यूबा येथेही उड्डाण केल्याची नोंद आहे.

या अपघातामुळे स्थानिक विमानवाहतूक क्षेत्रात मोठी खळबळ माजली आहे. अधिकाऱ्यांनी दुर्घटनेचे तंतोतंत कारण शोधण्यासाठी तपास सुरू केला असून, विमानाच्या तांत्रिक बिघाडाची शक्यता सर्वाधिक मानली जात आहे.

view comments

Location :

Mumbai,Maharashtra

First Published :

Oct 23, 2025 7:18 PM IST

Plane Crash Video: टेकऑफनंतर क्षणांतच विमान कोसळलं, धावपट्टीवरच स्फोटाचा आवाज, विमानतळ हादरलं; फक्त काही सेकंदांत संपलं सगळं