रशियात मोठी घडामोड, पुतिनच्या जवळच्या माणसाला बॉम्बने उडवले; मॉक्सोत भरदिवसा लेफ्टनंट जनरलची हत्या

रशियन तपास अधिकाऱ्यांच्या म्हणण्यानुसार हा स्फोट रिमोट बॉम्बने घडवला गेला. तो एका उभ्या असलेल्या कारमध्ये ठेवण्यात आला होता. त्यावेळी स्थानिक रहिवासी असलेले मोस्कालिक तिथून जात होते. हा हल्ला अशा वेळी झाला आहे. जेव्हा रशियाचे अध्यक्ष व्लादिमीर पुतिन यांनी अमेरिकेचे अध्यक्ष डोनाल्ड ट्रम्प यांचे विशेष दूत स्टीव्ह विटकॉफ यांच्यासोबत क्रेमलिनमध्ये बंद दाराआड बैठक सुरू केली होती. विटकॉफ ज्यांच्याकडे औपचारिक राजनैतिक पद नाही. त्यांनी संभाव्य शांतता करारावर चर्चा करण्यासाठी गेल्या काही महिन्यांत चार वेळा रशियाचा दौरा केला आहे.

अमेरिकेचे अध्यक्ष डोनाल्ड ट्रम्प यांनी त्यांच्या दुसऱ्या कार्यकाळात युक्रेनमधील युद्ध संपवणे हे आपले प्राधान्य बनवले आहे. त्यांनी माध्यमांना सांगितले की, 'पुढील काही दिवस खूप महत्त्वाचे असणार आहेत. सध्या बैठका सुरू आहेत. मला वाटते की आपण एक करार करणार आहोत... मला वाटते की आपण खूप जवळ पोहोचलो आहोत.' मोस्कालिक यांची हत्या ठीक त्याच वेळी झाली. जेव्हा शांतता वार्ता सुरू होती. यामुळे वॉशिंग्टन आणि मॉस्को यांच्यातील आधीपासूनच नाजूक असलेली चर्चा अधिक गुंतागुंतीची होऊ शकते.

हे लक्षात घेण्यासारखे आहे की रॉयटर्स या वृत्तसंस्थेने अलीकडेच अमेरिका आणि युक्रेनियन प्रस्तावांमधील प्रदेशांसाठी सूट आणि निर्बंधांचे भविष्य यासारख्या मुद्द्यांवर मोठे मतभेद अधोरेखित करणारे कागदपत्रे प्रकाशित केले आहेत.

तथापि मोस्कालिक यांची हत्या ही काही वेगळी घटना नाही. अलीकडील वर्षांमध्ये अनेक रशियन जनरल्स, प्रचारक, वैज्ञानिक आणि मॉस्को समर्थक सहकाऱ्यांची अशा हल्ल्यांमध्ये हत्या झाली आहे. युक्रेनने यापैकी बहुतेक कारवायांची अधिकृत जबाबदारी क्वचितच स्वीकारली आहे. मात्र गुप्तचर विश्लेषक आणि लष्करी तज्ञांचा मोठ्या प्रमाणावर असा विश्वास आहे की यापैकी अनेक हल्ल्यांमागे युक्रेनच्या सुरक्षा सेवांचा हात आहे.