अमेरिकेचा स्ट्रॅटेजिक बॉम्ब: चीन, रशियाचे धाबे दणाणले; जागतिक समीकरणं बदलणार, भारतावर होणार परिणाम

वॉशिंग्टन: जगातील सर्वात मोठी बातमी 1 मे 2025 रोजी समोर आली. सीएनबीसी इंटरनॅशनलच्या वृत्तानुसार, अमेरिका आणि युक्रेनने बुधवारी एका ऐतिहासिक खनिज करारावर स्वाक्षरी केली आहे. या करारानुसार अमेरिकेला युक्रेनमधील दुर्मिळ खनिजे (रेअर अर्थ मेटल्स), तेल, नैसर्गिक वायू आणि इतर नैसर्गिक संसाधनांवर प्राधान्य मिळेल. या बदल्यात दोन्ही देश मिळून एक संयुक्त गुंतवणूक निधी तयार करतील. ज्यामुळे युद्धामुळे उद्ध्वस्त झालेल्या युक्रेनच्या अर्थव्यवस्थेला पुन्हा उभे करता येईल. या कराराचा भारताच्या इलेक्ट्रॉनिक्स उद्योगाला नवीन पुरवठा साखळीमुळे फायदा होऊ शकतो. चीनचे वर्चस्व कमी झाल्यास कमी खर्चात खनिजे मिळू शकतात. सोने आणि धातूंच्या किमतीत बदल होण्याची शक्यता आहे.