Weird Village : पायाखाली जमीन नाही… तरीही इथे वसलंय गाव! दोरीवर टिकून आहे संपूर्ण आयुष्य

रशियाच्या दागेस्तान प्रांतात, कॉकसस पर्वतांच्या रांगांमध्ये वसलेलं 'त्सोवक्रा-१' (Tsovkra-1) हे गाव. हे गाव जगापासून इतकं तुटलेलं आहे की तिथे पोहोचणंही कठीण आहे, पण इथल्या लोकांच्या कलेने मात्र संपूर्ण जगाचं लक्ष वेधून घेतलं आहे.

काही गावकरी मात्र या गोष्टीला नाकारतात. त्यांच्या मते, इथला हिवाळा अतिशय क्रूर असायचा. बर्फवृष्टीमुळे रस्ते आणि पूल तुटायचे. अशा वेळी एका डोंगरावरून दुसऱ्या डोंगरावर जाण्यासाठी लोक दोरीचा आधार घ्यायचे. ही गरज पुढे जाऊन एक अजब कला बनली.

आज या गावाची लोकसंख्या 400 पेक्षाही कमी उरली आहे. मात्र, आजही इथल्या शाळेत लहान मुलांना अभ्यासासोबतच दोरीवर चालण्याचं प्रशिक्षण दिलं जातं. एक सेंटीमीटरपेक्षाही पातळ दोरीवर, जमिनीपासून अनेक फूट उंचावर हे लोक एखाद्या जमिनीवर चालल्यासारखे सहज चालतात. वृद्ध माणसंही आजही रोज याचा सराव करतात, कारण त्यांच्यासाठी हे फक्त मनोरंजन नसून त्यांच्या पूर्वजांचा वारसा आहे.

त्सोवक्रा-1 हे गाव म्हणजे मानवी साहस आणि जिद्दीचं जिवंत उदाहरण आहे. निसर्गाच्या प्रतिकूल परिस्थितीवर मात करण्यासाठी मानवाने कलेचा आधार कसा घेतला, हे या गावाकडे पाहून समजतं.