2 वर्षांच्या चिमुकल्याला ग्रह-ताऱ्यांची आवड; आईने गरोदरपणात केले खास संस्कार!

असं म्हणतात की, बाळ गर्भात असल्यापासूनच त्याच्यावर संस्कार करावे. हाच नियम अनिशच्या आईने तंतोतंत पाळला. अनिशची आजी स्मिता विनय पंडित यांनी सांगितलं की, त्यांची मुलगी गरोदर आहे हे कळताच तिच्यासाठी पौष्टिक आहार आणि तिच्या बाळावर गर्भसंस्कार करण्यावर त्यांनी विशेष लक्ष दिलं. सर्वात महत्त्वाची बाब अनिशच्या जन्मापूर्वीच त्यांनी 'मला अंतराळवीर व्हायचे आहे', असं लिहिलेला बोर्ड तयार केला होता. आश्चर्यजनक म्हणजे अनिशच्या मनातही ग्रह-ताऱ्यांबाबतच विशेष आवड निर्माण झाली. आज त्याच्या ज्ञानाने भलेभले आश्चर्यचकित होतात.