Ahmedabad plane crash: सीट नं. 11 A; अहमदाबाद विमान अपघाताशी भयावह कनेक्शन, 27 वर्षापूर्वीही घडलेलं थरारक

1998 मध्ये झालेल्या एका भयानक विमान दुर्घटनेतून गायक रुआंगसाक लोयचुसाक वाचला होता. यावेळी अपघातात 101 लोकांचा मृत्यू झाला होता. लोयचुसाकने सांगितले की, ते ज्या सीट नंबर 11A वर बसले होते, त्याच सीट नंबरवर अहमदाबादमधील एअर इंडियाच्या विमानातील एकमेव वाचलेला प्रवासी विश्वकुमार बसलेला होता.

7 वर्षीय रुआंगसाक लोयचुसाकने म्हटलं, "भारतात झालेल्या विमान अपघातातून वाचलेला एकमेव व्यक्ती माझ्यासारख्याच सीट नंबर 11A वर बसला होता. या दुर्घटनेत प्रियजन गमावलेल्या सर्वांप्रती मी माझ्या संवेदना व्यक्त करू इच्छितो." लोयचुसाक हे थाई एअरवेजच्या फ्लाइट TG261 मधून बँकॉकहून सुरत थानीला जात असताना हे विमान लँडिंगच्या प्रयत्नात थांबले आणि दलदलीत कोसळले. या दुर्घटनेत 132 प्रवाशांपैकी 101 जणांचा आणि 14 क्रू मेंबर्सचा मृत्यू झाला होता, तर 45 जण जखमी झाले होते.

दरम्यान, अशा दुःखद आणि योगायोगाने जुळलेल्या घटनांबद्दल ऐकल्यानंतर, लोकांच्या अंगावर काटाच येत आहे. सोशल मीडियावर हा योगायोगाची चर्चा होत आहे.