Plane Secret : विमानाच्या टेस्टसाठी इंजिनमध्ये टाकतात कोंबडी, पण जिवंतच का, मृत का नाही?

ही एक प्रकारची विमान सुरक्षा चाचणी आहे, ज्या अंतर्गत कोंबडी टर्बाइन इंजिनमध्ये टाकली जाते.  यासाठी अभियंते वापरत असलेल्या मशीनला चिकन गन म्हणतात. ही एक मोठी कॉम्प्रेस्ड एअर तोफ आहे. ती विमानाच्या विंडशील्ड, विंग आणि इंजिनवर डागली जाते. तिचा वेग खऱ्या पक्ष्याला धडकवण्याइतकाच असतो, असं ते म्हणाले.

त्यांनी सांगितलं की, ही चाचणी केल्यानंतर कोंबडीमुळे विमान किंवा विमानाचं किती नुकसान झालं आहे हे तपासलं जातं. जर जास्त नुकसान झालं नाही तर विमान उडत्या स्थितीत असल्याचं मानलं जातं आणि जर खूप नुकसान झालं आणि कोंबडी आत पोहोचली, जिथं इंजिन बंद पडण्याची शक्यता असते, तर खबरदारी घेतली जाते आणि त्याच्या प्रतिबंधाच्या पद्धती वापरल्या जातात. विशेष म्हणजे यामध्ये जिवंत कोंबडीचा वापर केला जातो, कारण पक्ष्याच्या धडकेमुळे झालेलं नुकसान फक्त जिवंत कोंबडीच्या पंख, मांस आणि ऊतींवरूनच शोधता येतं.