वाघालाही जमलं नाही ते 'वाघाच्या मावशी'ने करून दाखवलं; मांजर-मगरीचा लय डेंजर VIDEO

मांजर आणि मगरीचा हा व्हिडीओ पाहून तुम्हालाही धडकी भरेल. व्हिडीओत तुम्ही पाहू शकता मांजर आणि मगर आमनेसामने आहेत. मगरीचं तोंड उघडं आहे. मांजर मगरीच्या तोंडात वाकून बघते आणि हळूच आपला एक हात त्याच्या तोंडात टाकते. त्यानंतर ती त्याच्या तोंडात दातात अडकलेलं मांस आपल्या पंजांनी बाहेर काढते. त्याक्षणी आपल्याही काळजाचा ठोका चुकतो. कारण आता या मांजरीचं काही खरं नाही. ती या मगरीची शिकार झालीच असं वाटतं. पण घडतं मात्र उलटंच. मांजर मगरीच्या तोंडातून मांसाचा तुकडा घेऊन दूर जाते. मगर मात्र काहीच करत नाही.