नवरा डॉक्टर पण त्याला बिकिनी घालायची हौस, बायकोची पोलिसात धाव, म्हणाली, रात्रभर ते...

जिल्हा कारागृह परिसरातील सरकारी निवासस्थानात राहणारा डॉ. वरुणेश दुबे याच्यावर त्याची पत्नी सिम्पी पांडेने गंभीर आरोप केले आहेत. तिने एक व्हायरल व्हिडिओ पाहिला ज्यामध्ये तिचा पती एका पुरूषासोबत आक्षेपार्ह अवस्थेत तिला दिसला. व्हिडिओची पार्श्वभूमी पाहून तिला लक्षात आलं की हा व्हिडिओ त्यांच्याच घरात बनवण्यात आला आहे. 18 मे रोजी सिम्पीने तिच्या पतीला गोरखपूर येथील त्यांच्या घरी बनवलेल्या या व्हिडिओबद्दल विचारपूस केली. यानंतर दोघांमध्ये वाद झाला, ज्याचं रूपांतर हिंसक हाणामारीत झाले. घटनेनंतर सिम्पीचे वडील आणि भाऊही तिच्या नवऱ्याशी बोलले. ज्याचा संपूर्ण व्हिडिओ सीसीटीव्हीमध्ये रेकॉर्ड झाला.

सिम्पीने सांगितलं की, तिचा नवरा एका ट्रान्सजेंडर महिलेचं रूप धारण करून अश्लील व्हिडीओ तयार करतो आणि पैसे कमवण्यासाठी ते ऑनलाइन प्लॅटफॉर्मवर विकतो. डॉक्टरच्या स्वतःच्या पत्नीने हा दावा केल्यावर हा आरोप अधिक खळबळजनक बनला.

पोलिसांनी या प्रकरणात एफआयआर नोंदवला आहे. ज्यामध्ये विश्वासघात, मानसिक छळ आणि शारीरिक हिंसाचाराचे आरोप आहेत. या प्रकरणाचा प्रत्येक बाजूने तपास सुरू आहे आणि तांत्रिक पुराव्यांच्या आधारे सत्य लवकरच बाहेर येईल, असं पोलिसांचं म्हणणं आहे. प्रकरणाचं गांभीर्य लक्षात घेऊन पोलिसांनी डॉक्टरचं निवासस्थान सील केलं आहे. तसंच, एक उच्चस्तरीय विभागीय चौकशी समिती स्थापन करण्यात आली आहे, जी व्हिडिओची फॉरेन्सिक चौकशी करत आहे.

दरम्यान डॉ. वरुणेशने त्याच्या पत्नीचे आरोप पूर्णपणे फेटाळून लावले आहेत. त्याने सांगितलं की व्हायरल व्हिडिओ डीपफेक तंत्रज्ञानाचा वापर करून बनवले गेले आहेत आणि हे त्याला बदनाम करण्याचं षड्यंत्र आहे. या कटात त्याच्या पत्नीचे काही तंत्रज्ञानप्रेमी नातेवाईक सहभागी असू शकतात असा संशय त्याने व्यक्त केला आहे. डॉक्टरनं आपण पूर्णपणे निर्दोष असून या प्रकरणाची निष्पक्ष चौकशी करण्याची मागणी केली आहे.