कोण आहे दुबईची राजकुमारी? जिने इंस्टाग्रामवर दिला पहिल्या नवऱ्याला 'तलाक'; आता साखरपुड्याचे फोटो Viral

दोघांनी जून महिन्यात पॅरिसमध्ये झालेल्या स्प्रिंग/समर 2025 फॅशन शो दरम्यान साखरपुडा केला. त्यावेळी मोंटाना प्रसिद्ध पॅराडिस या ब्रँडसाठी रॅम्पवर वॉक करत होते.

31 वर्षीय माहरा यांचा जन्म मूळतः क्रिस्टीना या नावाने झाला होता. नंतर संयुक्त अरब अमीरातमध्ये येऊन त्यांनी अरबी नाव स्वीकारले. त्या शाही अल मकतूम कुटुंबातील सर्वाधिक चर्चित सदस्यांपैकी एक आहेत. माहरा या फॅशन आणि घोडेस्वारीत विशेष रस घेतात तसेच सोशल मीडियावरही सक्रिय असतात.

माहरा यांनी एप्रिल 2023 मध्ये अमिराती व्यावसायिक शेख माना बिन मोहम्मद बिन राशिद बिन माना अल मकतूम यांच्याशी विवाह केला होता. मे 2024 मध्ये त्यांच्या मुलीचा जन्म झाला. पण फक्त दोन महिन्यांत म्हणजे जुलै 2024 मध्ये माहरा यांनी सोशल मीडियावरच इस्लामी तीन तलाक पद्धतीचा उल्लेख करत नवऱ्याला तलाक दिला. त्यांनी पोस्टमध्ये लिहिलं होतं, “मी तुम्हाला तलाक देते... स्वतःची काळजी घ्या.” आश्चर्य म्हणजे तिचा तला इंस्टाग्रामवर झाला, पण आता ही पोस्ट डिलीट करण्यात आली आहे.

लंडनमध्ये इंटरनॅशनल रिलेशनमध्ये पदवी घेतल्यानंतर, माहरा यांनी स्वतःची फ्रॅग्रन्स लाइन Mahra M1 लाँच केली. विशेष म्हणजे त्यांच्या फ्रॅग्रन्सचा एक प्रकार त्यांनी मुद्दाम “तलाक” या नावाने बाजारात आणला.

फ्रेंच मोंटाना हे मोरोक्को-अमेरिकन रॅपर आहे आणि त्यांच्या Unforgettable आणि No Stylist या हिट गाण्यांसाठी ते ओळखले जातात. ऑक्टोबर 2024 पासून त्यांचं नाव माहरा यांच्यासोबत जोडले जात आहे.